華特首

一家人聚在一起吃新年飯, 話題可以是天南地北......

我: 我今日睇完讀者文摘關於劉德華篇訪問, 我覺得佢9年後如果參選特首, 都會好適合喎......呢輪都有朋友係咁講, 話佢出嚟選一定投佢。
妹: 佢9年後幾多歲呀?
我: 唔知喎, 50幾啦.....
妹: 嘩, 啱啱好喎, 黃金歲月, 從政一流......
我: 咁你係咪會選佢先?
妹: 佢答應以後唔唱歌, 咁我就唔駛考慮, 一定會投佢......
我: ....um.......我諗佢可能發表施政報告前, 都會先嚟唱首歌...... "一起走過的日子"、"獨自去偷歡"之類.....

爸: 話時話, 如果劉德華想做特首, 我覺得佢會一定做得好, 佢本身性格有優勢......
妹: 如果有香港市民被外國人蝦, 佢仲會親身出手相救添......不過庫房就要小心, 睇落去佢理財不善.....
媽: 到時就會有人幫佢啦, 唔駛擔心.....
我: 係啦, 邊度有人樣樣嘢都識吖, .....
妹: 唔知點解, 我身邊都有幾位朋友想佢做特首.......
爸: 睇個勢, 到時可能都真係要靠佢先得.......

媽: 哦?.....乜劉德華最近話想選特首咩???
我、妹: 唔係呀, 我地想吓之嘛......