街坊理髮屋

過新年剪靚髮, 等候時間聽到了其中一位約30來歲的男性顧客跟眾理髮師的對談。


顧客: 我覺得香港警察都真係無嘢做得好緊要囉, 唔拉陳冠希唔拉班賤格女星, 走去拉個無嘢做0既人, 今天又拉多四個, 又話人地欠債50萬......咩呀?! 窮人就有罪, 有錢人就冇罪呀, 陳冠希有錢就大晒呀, 陳文媛嫁有錢人就大晒呀, 香港警察只識拉窮人...講乜源頭啫......源頭就係陳冠希囉, 仲有班賤格女星囉, 做乜唔拉佢地啫.......阿嬌唔出嚟就得呀? 影得咁既相就已經係犯罪啦......

理髮師A: 陳冠希我都唔幫佢, 但係班女星就好慘啦已經.....點都冇理由係佢地0既錯......

顧客: 佢地個個都神智清醒咁俾人影架, 點解冇罪呀.....鄧竟成都真係搵嘢嚟搞, 佢唔拉陳冠希唔拉阿嬌, 我以後都唔交稅...我交稅就係養啲咁0既人呀? 就係冇普選囉, 鄧竟成咁0既人可以做警務署長囉..........

理髮師B: 普選好似唔係選警務署長喎......

顧客: 普選就乜人都可以選......總之香港警察就係冇能啦, 賊又見佢地捉到喎, 我交稅就係養啲咁0既人呀?

理髮師A: 我都覺得係, 大陸嗰套法治唔搬嚟香港就冇救......大陸唔理你係有錢人定窮人, 犯咗法都會受制裁, 但香港就明顯地幫晒啲有錢人....拉陳冠希啦....不過阿嬌就係受害者嚟, 唔係佢錯喎......

顧客: 乜唔係佢錯呀, 佢影得咁0既相, 就預咗全香港人都有得睇啦, 依家扮可憐呀, 叫佢慳啦........陳文媛想嫁有錢人呀? 下世啦..........



MY COMMENT: 呢個世界真係乜人都有........