留港消費事件簿

-1-

某個晚上走到街口的七記便利店買飲料......

拿著烏龍茶走到收銀機前:「唔該要多包M3吖。」

坐在洗手盤廚台上睡著了的少男職員像是HIGH了似的, 開眼望望又閉上眼.....

...... 「唔該...」

少男職員起立落地, 四肢無力似的走到收銀機前....

...... 「唔該俾多包M3吖...」

少男職員一聲不響拿了一條"綠萬"過來, 準備過機....

...... 「唔該... 係M3, 一包, 係最底嗰行第二個, 白色盒那個.... 一包得架啦.....」

少男照我的指示, 拿了一包M3過機......

總算也順利完成消費。

在付款的同時, 也不忘望望少男職員制服上的姓名牌------『JUNKY』!




-2-

到某連鎖平民風格時裝店消費, 選了一條黑色短褲, 到更衣室試試。

穿上了, 走出更衣格, 對著外面大鏡再照照照......

替我拿短褲來試的男職員走來不忘讚賞:「件衫好啱你呀, 膊頭位啱啱好, 中碼最啱你.....」

「er...... 我淨係試呢條褲......」為免被人以為我偷東西, 也要補一句:「仲有呢件衫唔係喺你地公司買架喎..... 」

「呢個色幾好吖, 橙色幾襯你啲膚色黑黑地.....」

男職員完全無視他公司出品的那一條黑短褲......





-3-

因常到的那一間的老闆很煩人, 又在店內吸煙, 我又試試新的一間沐足按摩店。

因已是第二次到來消費, 入店後又遇上前次功夫也不錯的師傅A, 說明希望作全身推油按摩及時間, 便被帶了入房間更衣。

更衣完成, 師傳A走來問我介紹師傳B替我服務好不好, 我說沒有所謂, 由她們去決定。

師傳A對著師傳B說:「你做啦, 不過我話你知, 呢個哥哥仔好受力, 你一定唔夠力...」

師傳B走來問我:「你好受力架?」

我答道:「都幾... 」

師傳A又向B說: 「你一定唔夠力啦!」轉頭又對我講:「佢唔夠力架, 不過俾佢試試, 佢唔夠力5分鐘後叫我, 我再幫你...」

B:「唓...... 陣間被人叫返出嚟, 我咪好無面....」

A又問我:「哥哥仔, 你選啦, 你選邊個呀?」

「哦...... 跟你地舖頭政策啦, 由你地去安排啦。」

A回應:「咁俾佢試下, 如果佢唔得就即刻叫我...... 佢好煩, 成日話我霸住呢客唔俾佢做...」

B搶咀:「一係你做, 一係我做, 做做吓俾人叫返出嚟咪好冇面......」

A:「咁你做喇.... 哥哥仔, 俾佢做一次, 佢唔得, 下次搵返我幫你手.....」

「哦... 好... 好...」

........開始按摩, 師傳B的口沒有停過.........

B:「哥哥仔, 你覺得我靚啲定佢靚啲呀?」

「er......呢度太黑睇唔清楚.......」

B:「你啲肌肉都真係好實喎, 唔怪得佢話你好受力要好大力」

「er......都係要大力啲......」

B:「你身型咁好, 一晚搞四條女都得喎...」

「吓??!! 呢啲嘢都有得睇到0既咩?」



...... 決定也是要返回煩老闆的那間老店找18號四川姐姐。