大奇蹟日的小小奇蹟

經理C: 嘩, 日經指數跌到26年新低呀!!!
DK: 1982年......中森明菜同小泉今日子剛出道的一年, 松田聖子嗰時都仲未整容.....
同事Y: 撞鬼, 我仲未出世......
同事J: 倒退26年, 日本一夜間返番去我仲未係精子之時.......

*******************************

DK: 依家有好幾個都有派佳麗參選環球小姐的國家差唔多破產, 要叫IMF出手拯救...
同事Y: 有啲乜國家?
DK: 有決定重操捕漁業的冰島, 有巴基斯坦, 有阿根廷, 有南韓, 有東歐的烏克蘭、白俄羅斯、匈牙利同北歐的芬蘭...... 就嚟可以開破產奧運會。
同事Y: 一個國家破產會點呢?
DK: 哦, 冇0既, 除咗要一路還錢外, 一定可以坐的士, 同埋唔會攞佢地啲北歐傢俬出嚟拍賣0既......

*******************************

DK: 同事們, 大家要記住平均成本法唔係萬能, 跌市掃平貨都要睇掃乜, "L"型走勢的投資工具多的是...仲要小心啲行業基金, 尤其是金/油related的, 可以十幾廿年先大升一次......
同事E: 咁電訊科技呢?
經理C: 吓? 你仲有買電訊科技??????

*******************************

一個月前...
DK: 嘩, EX-愛股2x2x由$53跌跌跌, 已輕輕跌過24蚊, 如果跌到$20可以考慮考慮...
同事A: 撞鬼你, 跌咗好多啦, 谷底啦, 再跌我死得啦...
DK: 乜你仲未放?

上星期...
DK: 嘩, 2x2x收市19個幾喎....... 如果跌低過$18, 可以考慮考慮...
同事M: 又跌??? 底啦嘛, 冇得再低囉喎...
DK: um...... 我覺得其實都係啱啱開始未耐.......

今朝早...
經理A: 喂喂, 你隻2x2x跌過你目標價啦...
DK: 哦, 都有17個幾喎...
經理A: 你唔係話$18樓下就入咩?
DK: 我調低咗喇, 依家目標$14。

今日黃昏...
經理K: 喂, 2x2x收市16個幾喎, 好近你目標啦.....
DK: 我已再調低咗, 依家可以睇$8
經理K: 你好淡吓喎...
DK: um... 其實$6都有可能...
經理K: 依家入啦, 如果跌唔到$8, 你咪錯失晒啲機會囉.....
DK: 如果咁有緣無份, 我都冇法, 呢啲係「命」嚟0既......

*******************************

秘書A: 大笨象都跌成咁......
秘書J: 算啦, 我都麻目晒, 我老闆都麻目晒, 之前日日黑口黑面, 今日就已經一啲面情都冇......

*******************************

阿媽: 爹哋, 你覺得奧巴馬上台, 定係白頭佬上台, 經濟先會好返啲呢?
阿爸: 呢個爛攤子... UM... 算吧啦... 可能到佢地是但一個屆滿下台都未完全好返.......
DK: 我係奧巴馬就退選, 同啲選民講都係希拉里有領導才華啲, 大家選返佢啦......
阿媽: 點算呢？我啲貨幾時先有得升呢?
DK: um......投資失利事小, 跟住嚟0既濕熱率大升同百業待興先至仲大劑。老豆阿媽, 你哋覺唔覺你哋上一代幸福好多呢?
阿爸: 我哋做事嗰幾十年, 基本上好多人都差唔多一份工做到老, 冇乜失業呢樣嘢...... 依家好呀, 可以訓練一下香港人的競爭求生術呀!

*******************************

朋友B: 今日係impossible is nothing!
DK: 東甩都全線結業...... 如果老MAC都全線結業, 係咪世界末日呢?

11月的量子殺機

愛情價值投資法

0: 你覺唔覺經濟周期越來越短呀? 有啲行業都未從上次沙士谷底復甦得好好, 一般打工仔啲人工都冇好好加過, 又嚟第二個經濟衰退期喇....
1: UM....有危先有機嘛....多啲危多啲機吖嘛....
0: 你啱....依家好似危多啲...... 可能仲未係機.....
1: 畢菲特都話又入市啦...
0: 佢0既價值投資法, 上次周期上昇時都跑輸晒, 有啲不靈光....
1: 可能佢有先見之明, 之前的對策係跳咗一次周期去PLAN呢, 價值投資法係要鬥長命架.....
0: UM....咁我可唔可以就咁跳過三五七周期, 淨係PLAN退休後的人生呢?
1: 人生冇失戀三五七次都唔會遇到真命天子啦, 所以我對愛情都係行緊價值投資法架.....只會重注喺有價值的人身上面, 就算呢個人個價值喺短期有啲下滑, 都要死守一陣, 如果真係返身冇望就要割愛斬纜喇......低賣平買啫..... 不過最好就一早選啲可以值得死守下去嗰啲啦.....
0: 咁即係有止蝕位啦...咁有冇目標價或者止賺位呢咁?
1: 咁梗係要記得有幾多股息就攞幾多.... 股息reinvest有時唔係咁著數架咋, 佢個值大跌, 你啲reinvest都會一齊蝕埋嘛....
0: 哦...... 啱0既, 止蝕後再喺競價盤中尋尋覓覓過囉, 點都有優質股0既.....
1: 有時悶悶地都好架, 煤氣電燈公用股之類, 有得死守吓嘛..... 點都好, 總之有危就有機啦, 多啲危就多啲機囉...... 唔走出第一步, 就乜都冇囉......

結合與抽離

Emotion: 快樂
對快樂事→Associate
對痛苦事→Dissociate

Emotion: 情緒化
對快樂事→Associate
對痛苦事→Associate

Emotion: 冷漠
對快樂事→Dissociate
對痛苦事→Dissociate

Emotion: 沮喪
對快樂事→Dissociate
對痛苦事→Associate



------來自"冇懶人"其中一課。

應做就去做....

Should Do又Done It...... 就HAPPY

Should Not Do又Done It......就UNHAPPY

Should Do又Didn't do it......就UNHAPPY

Should Not Do又Didn't do it......就HAPPY



------來自"冇懶人"其中一課。

信念及價值

信念是什麼?
---相信"相信的事"會發生或應該發生。

信念太強時, 怎辦?
---就會進入陷阱也不自知, 變得鑽牛角尖, 信念變成偏見。所以要提醒自己不住退一步去想事情。

甚麼信念是對, 甚麼信念是錯?
---基本上沒有。根據人類的歷史, 沒有一種信念是永遠說得通, 沒有一種信念是在任何情況也有效。大信念可能只適用於某個年代某個地方, 小信念可能只適合某個場合。

價值觀是什麼?
出生後 to 7歲: 從父母身上得來...
8歲 to 13歲: 模仿父母、身邊的人物或心目中英雄...
14歲 to 21歲: 從社交圈子中習得, 需要同輩的接納, 又需要父母的支持...... 反叛, 因為價值觀受侵犯。
21歲以後: 基本上價值觀不會再改變, 除非經過很大的明顯情緒波動(天災人禍/親人悲劇離世/身患大病/跌進人生谷底......也可以是相當正面的事件)



任何人作出的行動及表達的態度, 便由信念+價值觀而引伸出來....... 看對方的一個行動及一個態度, 其實可以想像背後曾發生的很多很多.....



------來自"冇懶人"其中一課。

白恤衫, 因妳變耀眼

黎姿都會退出娛樂圈????

其實, 黎姿也不知靜悄悄退出演藝界多少次了.....煥然一新歸來又多少次了???

首先電影圈, 再戰電影圈又參戰樂壇, 隔了不知多少年出現公仔箱, 終憑「金枝慾孽」"吐氣揚眉"......

今天的她算是有一定成就, 加上今次要照顧弟弟...... 可能今次是講堅也說不定。

玉瑩小主打敗如妃娘娘在當年引起很大爭議...... 其實我想說當由頭至尾每集細緻地重温一次DVD過後, 我的一票也是會傾向投玉瑩小主的........

相關新聞連結

「駅」

日本殿堂演員緒形拳上週離世後, 心裡響起了他跟松板慶子合演的《Goodbye Mama》, 在片末出現的主題曲----「駅」。

「駅」跟「OH NO OH YES!」是分隔不開, 有中森明菜有梅艷芳有竹內まりや, 同樣是出現在她們的同一專輯。在1992年的《Goodbye Mama》, 竹內まりや版本的「OH NO OH YES!」打頭帶出都市中的小故事, 「駅」收尾劃上感人的句號。

有「OH NO OH YES!」就有「駅」.....


自己也是較喜歡原作者竹内まりや的版本多一些。

竹內まりや - 「駅」

找不到竹內まりや的版本, 但還是有明菜的......

中森明菜 - 「OH NO OH YES!」

寫在10月中

食午飯時走過大型海港商場, 望望一眾名牌時裝店, 秋冬系列已在進行大割價了...... 其實如今還只是過了中秋卻未感秋的季節而已......

又有連鎖大店倒閉...... 我決定暫時什麼也不買。

近日, 又有事件教我想想明日的記憶是什麼的一回事。

寫在這個10月中。什麼事也是百年一遇的2008。

上升233%的投資工具

"冇懶人"課程的同學有數人也是在金融機構打滾, 聚在一起自然談及海嘯的影響。大家心知肚明, 縱使客人有各式各樣機制的保障, 可令自己資產以至飯碗可升亦可跌的事件卻仍是會隨時會在24小時內突然發生。

包括自己在內的不少投資者朋友有帳面大幅損失, 心痛心痛；母親大人去銀行做定期存款卻又一次再一次不聽我老人言買完又買入各類投資產品, 又一次再一次大幅帳面損失, 冇眼睇冇眼睇。

事實放了在眼前, 目下還是應當找對策方案去解決。可能有意見會說什麼也是跌, 怎辦呢? 其實結構簡單的非結構性投資產品中, 也有可作對沖的工具的, 多留意市場必定可以找到, 不一定是現金。

已跌了5/6/7成, 是斬纜還是持有呢? 我想要個案by個案, 目標by目標, 工具by工具的去看。

我對某些個案有一個看法。假設投資者以$100去買入XYZ, 而XYZ的帳面價值已下降50%, 而投資者只是希望在某個短暫期限內歸本取回$100, 那就要看看手頭上的只餘下價值$50 的XYZ在期限到臨前, 能否上升100%；若已下跌70%, $30的XYZ則要有能力上升233%才能歸本。

究竟, 有那些投資工具會在某段短暫期間內上升100%甚至233%呢????? 我想以現在地球人的信心, 很難會有非高風險的方法吧。

事實已是事實, 選擇死守的話, 便需研究研究投資工具的未來前景。可能低放售後再低買入未來有前景一點的ABC也是減少損失的機遇也說不定。

世倩格局已有大變, 大英帝國救市方案成功穩定民心卻又一步重創帝國實力, 我擔心2012倫敦奧運選手村沒有著落; 金磚四國中的其中一專題基金要被暫停贖回, 金磚已不再金尊；經濟衰退需求下降, 石油及某些商品可以炒高幅度有限......就算是長線投資, 整個策略也要重新執位。

這是最壞的年代, 亦可以是最好的年代。

話說回來, 現今最應該做的事是, 上班時要把份內甚至份外的工作做做做好好好..... 可能人人可以開開心心繼續上班已比短期毫賺233%更幸福。

大蕭條齊看電影

2008年的今趟金融海嘯, 其實一如即將退位的美國總統所說, 地球上的人人也關事, 越先進越發達的住民就越關事。歐美成重災區, 但仍有排衰, 而香港正在等待那一刻的來臨....... 只是遲早的事, 只是看那波及有多大而已。

很多財經雜誌也把今趟海嘯比喻成1929年至1939年的美國/歐洲經濟大蕭條(The Great Depression, 又或T.G.D.), 還有很多recap, 又以以下4點可以簡單說明大蕭條嚴冬期美國的情況:

於1929-1932年的4年間, 美國.......

1) 股市下跌89%
2) 9,000家銀行倒閉 (2008年美國已有15間大小銀行倒閉)
3) 13萬家企業關門
4) 1,300萬人丟工作, 失業率達25%
(資料來自10月13日發行的台灣商業周刊)

在大蕭條期間, 又正是美國荷里活的全盛黃金時期, 百看不厭的娛樂大作《亂世佳人》(1939)及《綠野仙踪》(1939)正是那時代成為人們逃避痛苦現實的避難所。

以大蕭條作為時代背景的經典電影很多, 自己看過的《Bonnie and Clyde 雌雄大盜》、《Chinatown 唐人街》等等等等.........近年如Peter Jackson 2005年重拍的《KING KONG》的前1/3, Naomi Watts演的歌舞團員, 失業兼被拖欠薪金, 周圍也是沒有工作沒有錢吃飯沒有家可歸的男女老幼........那就是當時美國T.G.D.的實情實景......

2009, 2010......大家要做足心理、生理及資金調動的準備...... 一起入戲院這個好好避難所........

我與梁詠琪及中村獅童

攝於2008年10月4日

於看過《白雪先生灰先生》後, V媽的龍鳯生日派對.....

猜不到當晚還遇上杜琪峰及關菊英.....

銀行十日談

近日市內出現很多迷債苦主, 投訴銀行的銷售手法。公平的一句, 雷曼兄弟/AIG/美林/大摩...之類的金融大企出這樣的大件事, 其實都係打破了"常識"範圍, 我想銀行高層以至小職員也是由心覺得迷債之類的結構非常複雜的結構性產品, 實實在在是低風險的產品, 猜不到.........

至於公公婆婆原本的棺材本定期, 不知不覺簽幾個名便變成了投資結構性產品....... 這讓我想起在銀行工作的10日談。

是, 曾有志願到銀行工作, 很Professional嘛....... 加上有時候在某些分行排隊, 聽到那些職員的銷售手法(也聽過明顯有誤導成份的) ........ "嘩, 咁都有人輪住嚟幫襯????" 以我久經訓練, 想自己必定能勝任找到很多大客戶吧。

先是人事部, 其中一間的港產大行一名俊男職員拿著紅豆包教我填入職申請表, 另一間外資大行的美女職員拿著指甲鉗跟我First Interview.......

入了外資大行.......

首三天開開心心到培訓部, 是正正式式全層樓的Official Training Centre!!!!!!

培訓員有一天教銷售, 問同事們: 「如果你哋被派遺到分行, 面前好多"水魚"游來游去, 你哋第一句會同啲"水魚"講乜呢? 點樣先至可以劏到佢地呢?」.......... Official Training Centre的Trainer會在Basic Training跟新加入的同事們說出"水魚"的這種字眼......真的難以想像經這樣的培訓下會出什麼樣的銷售人員.......

受訓完入Team, 在上樓的人來人往辦公室裡, 女同事A跟男同事B大聲談當天的見工經歷, 分析各大銀行的優與劣......... 最意想不到的是, 女同事C冒客簽名, 大大聲問男經理D簽得像不像, 經理D看了兩眼, 望著我道: 「俾新同事睇下簽得似唔似?」 (anyway, 我的答案是效果還欠些少, 可以把表格對摺再弄縐一點, 不似再加點水漬......他們又跟著做喎)

一份申請表, 客戶簽署14個, 作為顧問的我要簽11個............ 我覺得, 我每一個簽名, 便增加客戶找麻煩時, 自己由專業人仕變成代罪羔羊的機會.........

結果, 一個新offer的ok之下, 我結束了在外資大行裡前前後後恰好10天的奇妙旅程。

免責聲明:
1) 人生運氣可升可跌, 以上純為個人特別經歷, 全是真人真事。個人過往的歷史, 不代表其他人在銀行(包括港資, 外資, 投資)的工作經歷也會遇上同樣情況。
2) 筆者保留修改以上文章任何內容而不作另行通知。
3) 若讀者對上述經歷有任何疑問, 請以英文版本為準。

國慶看鬼片

我想身邊的朋友也沒有一兩個會在國慶天的晨咁早到金紫荊看升旗, 但也許會有朋友會走到維港兩岸的人潮中看煙花也說不定。

早幾年有次跟朋友談及, 香港自廿年前開始在維港上空放煙花, 我一次也從沒有到過現場看過, 不論放煙花的目的或其喜慶日子。朋友不信, 說我講大話。

我真的從沒有試過。原來沒看過現場放煙花, 是會這麼樣的令人難以入信？不解。

當然, 相信若身在現場, 又會很投入很興奮, 正如當年因工作關係在文化中心外歡迎剛奪奧金的李麗珊歸來一樣, 忘了工作只顧揮旗歡呼。

今天的國慶也一如隨便一個星期天, 沒啥特別。除了走到電影院看泰國鬼片《4條大道通陰間》, 猜不到上映了一段日子也仍有很高上座率........ 其中一幕, 我覺得自己的驚叫聲是全院最大的。