有朋自遠方來

日本人朋友到香港後便說, 為何香港一點奧運氣氛也沒有...... 我說其實也有少少的, 那一定不及北京或內地其他城市的熱鬧。昔日的殖民地, 基本上民族意識沒有很重, 所以不會出現像日本一樣的情況, 無論是主辦世界盃或是"同世人無關"的G8高鋒會, 也會由北海道至沖繩全國沸騰。

日本人永遠也對中國國情甚感興趣, 以下問題我答過不下10次, 尤其是第1題, 不下100次。

1) 回歸後香港有甚麼變化? (差唔多, 有好有唔好, 變得最差係空氣.... 對我個人分別唔大, 乜環境都係做人靠自己...)

2)香港人比中國人質素好很多吧? (絶對唔係。人質素係有高低, 世界每個地方都有好人壞人叻人蠢人靚人醜人, 呢點係睇個人的...)

3)香港是中國一部份, 為何兩地還有海關的存在? (歷史問題, 有又煩冇又不能...)

4)台灣是否中國一部份? (各人睇法唔同, 問唔同人會有唔同答案, 我實在答唔到你...)

5)台灣及泰國有什麼分別?(第一次聽到這問題我笑了出來, 但後來已麻木了)

今次的新增題目:
6)為何香港的空氣這麼差?(呢個......同東京係唔可能比較架喇....)

7)屯門是香港的貧民區?(我住嗰度先係....)

8)為何香港的豆腐花沒有杏仁味?(香港啲豆腐花冇日本嗰隻杏仁味, 但有原味, 無味, 咖啡味, 香蕉味同薑味....)