Wednesday, August 12

我哋「細個」, 你哋「細個」

前天跟父親母親吃晚飯, 母親叫我選地點, 我選了位於炮台山水星街、有小菜海鮮吃的茶餐廳。茶餐廳是朋友D的愛店, 不久以前曾一大群人去品嘗過, 相當不俗。

因昔日的水星街, 一整條街滿是街邊檔口的正宗濕地市場, 小時候經常跟著父親母親一起去買菜。老家雖在廿多年前已搬往更遠的地方, 水星街的位置相信一家人也是不會陌生。

果然, 向母親說地點一講就完全明白。

隔了不久父親來電, 問我晚飯的地點, 我同樣回答餐廳位於水星街街尾。

他再問, 我再解釋。他又問, 我又再解釋。結果他還是不明白。

出動最後絶招:「我哋細個餐餐都係去嗰度買餸, 成條街都係街市那條街呀。依家冇晒街市, 搬晒入去隔離那座街市大樓呀.... 舊警署隔離呀, 成報大廈那條街向天后方向行兩條街呀....」

父親終於恍然大悟:「哦, 我哋細個買餸嗰條街嘛, 得得得, 知喺邊喇....」

我忍不住笑:「係我哋細個, 唔係你細個呀, 冇你份呀...」

父親又笑:「哈哈, 係, 係你哋細個....」


掛了線後, 想一想其實父親沒有錯, 我跟他們去水星街的時候, 當時的父親比今天的我還年輕。其實是我的「細個」時, 也是他的「細個」。

父親最近留了長長白色羊咩鬚, 我笑問他是否打算扮「智者」.......



題外話:
前天晚飯約定時間到了, 我一個坐在茶餐廳等了一會。突然接到母親來電, 說她就在餐廳外面(望望後原來她真的在外面), 問我為何要選茶餐廳, 因是請我吃飯不如吃好一點的, 不要在茶餐廳吃, 著我出來到對面外觀較高檔的越南餐廳。我回應說, 進來吧, 這裡好吃的, 進來啦..... 母親十萬個不願意進來, 直至我給她看餐牌, 店員稍作介紹, 她才開始面露喜色......

吃飽結帳後, 父親母親說原來水星街卧虎藏龍, 以後要多一點來吃飯吃飯。

6 comments:

casper said...

睇完好warm!

dicballlai said...

好彩你無跟啊媽去對面的越南店 - 好難食。

Leo said...

不見不散vs水源霖?

Donald Kwan said...

Casper,

:D

Donald Kwan said...

DICBALLAI:

好彩0者...

Donald Kwan said...

LEO:

越南0野我唔記得0左, 茶餐廳叫樂群...

Blog Widget by LinkWithin