回應與金句

可能是我多心了, 我那不祥預感沒有出現, 總公司的回應沒有再連累其他同事(起碼暫時)。

在毫無舖排及理由, 又不通知其他香港同事的情況下, 以電郵一通要求總公司把香港分公司的下班時間由6時正改為5時30分(詳細情況按此看"因小失大"), 總公司以日語作出了回應, 譯為中文大意如下:


x小姐,

香港辦公室的上班時間為上午9時至下午6時, 請依照合約訂明上班便行。

謝謝。

xx

看到這段簡短而有力的回應, 我立即笑了出來, 其實對付惡人的手法原來也可以很乾脆一刀過。



近數天, 我發覺她思覺失調的一面, 似有加劇的走勢。以下是近期公司仝人也聽到她的思覺失調金句。

"我話晒都係呢間公司的阿姐, 你地唔好亂咁影印, 影彩色前要同我講聲....."(其實同事們背後叫佢做阿嬸, 都係阿姐的一種)

"我都唔知公司做乜都話要我去負責, 我title係assistant sales manager, 唔係sales, 唔係 manager, 我收緊係一個普通文員的人工, 開會點解一定要我, 我同所有同事都係一樣咋, 做乜公司生意唔好要問我去搵原因, 做乜我個客order少咗要我去問個客, 乜都關我事, 我唔係manager, 我收得呢個人工, 就同最低級既文員都係一樣, 唔好開會又叫我, 乜都要我去做....."

"都話老闆正衰人, 做乜佢叫你開會唔叫我, 你地究竟有乜秘密...(秘密?冇喎...)冇..冇..冇, 冇做乜開會唔叫埋我呀..."

(老闆跟她說, 既然不喜歡當sales, 那便負責admin的工作)"我唔係admin喎, 呢啲咁濕碎既嘢, 你地做得, 又要勞煩我?!"

"點解呢間公司淨係得我一個做緊野, 你地個個都唔駛做!(咁需唔需要幫忙呀?)呢啲野淨係我識做, 教你地你地都唔會識.(哦, 咁都係依家啫, 整理好後以後咪方便囉)方便你地呀嘛, 得我一個做死囉....."

"你地整好咗file, 俾我過目過先好send俾老闆, 呢啲嘢不嬲都係我做開, 又要俾你地做, 做到錯晒..."(其實老闆係話佢做到錯晒, 所以才交了給其他人做)

"我識既, 全都貢獻晒俾公司, 呢間公司俾過啲乜嘢我, 老闆由日本飛嚟, 手信都冇盒, 貨辦都冇一條, 得呢個人工要我去負責任, 叫佢食屎啦....."

"我唔會再辭職, 我會喺呢度做度退休...."

"你地做乜都冇用, 呢間公司就唔掂...(我:咁唔試過唔知既....) 呵呵, 睇下點, 都唔好話我睇死呢間公司..."



由最初的感到奇怪→心中憤怒→不能容忍→出口反駁→向上說明實況, 到現在的只當作一個笑話的心態。

不過, 可能真的要向她建議一下, 去看看醫生。