『家好月圓』完了

女同事M曾跟我說: 「Donald, 我覺得你生活好悶, 『家好月圓』又唔追, 鳯爪又唔食, 豬腳又唔食...」

吃鳯爪的確是我的弱項, 豬腳就要看其煮法, 至於『家好月圓』我是絶對沒有抗拒, 只是沒有每集追看而已。得閒你一巴佢又一巴, 嗌交得出口成文這麼過癮, 把幾句留在心中, 下次遇上惡人可以大派用場(雖然幾年也不會罵人一兩次....)。

去年還在神經公司工作時, 剛是『糖沁風暴』的熱播期。神經阿嬸罵人當食生菜, 金句又多籮籮, 有次她老人家想推翻自己說過的話, 還問我要證據, 我便順口溜出大契金句: 「你估呢度法庭呀? 問我攞證據？我對眼就係證據」..... 其實當時外表大怒, 心裡其實正在偷笑.... 發怒中仍有爛gag, 真的好爛.....

40集長劇又完了, 大家開始估誰是本年度的視帝視后。正當大家的注意力集中在各位老戲骨身上時, 我和林先生也覺鍾嘉欣的演技, 比前作的常在心有了很大的飛躍進步。

另外有人說朋友公關女貌似鍾嘉欣.... 似咩?