心中十一鬼

杜琪峰/韋家輝的新作《神探》有一個非常創新題材, 說的是人人心中有鬼。劉青雲飾演的過氣探員有特異功能, 可以"看到人心裡面隻鬼", 有的有一隻, 有的有兩隻, 有的有七隻....... 看過電影後, 我想自己心裡應有11隻鬼....

1) 脾氣鬼
雖然可以忍就忍, 但都係成鬼日忍唔住發咗脾氣, 尤其是戲院睇戲講嘢, 我實出聲鬧.......

2)後悔鬼
發完脾氣後又會好後悔, 希望被我發脾氣的人不要受到傷害不會不開心, 有啲精神分裂......

3)不睡鬼
天天也7時半起床, 但每夜都夜一夜都唔瞓.....

4)責任鬼
其他人都係諗住打份工, 有時都覺自己駛唔駛咁鬼負責任.....

5)偷嘢鬼
細個家中偷零用, 大個咗就喜歡偷公司的A4紙返屋企用......

6)不孝鬼
雖然老豆係我Facebook的其中一位朋友, 但不要以為我係一個孝順的人, 一個仔應做的事我好多都冇做, 就算睇完《東京鐡塔》電影都冇即刻想揾阿媽食飯......

7)要面鬼
還要頼呢個係獅子座的性格, 冇得改......

8)直覺鬼
雖然睇唔到人心裡隻鬼, 但成日估中朋友心裡面諗乜, 仲要踢爆......就嚟冇朋友......

9)為食鬼
仲要係最肥的朱古力.......

10)吸煙鬼
明知吸煙也是害處多, 還數次說過要戒煙, 結果........

11)爛gag鬼
雖然有啲講完自己都忍唔住笑, 但真係好鬼無聊........


可能仲有更多鬼, 只係仲未發覺........