關家的一票

本是替妹妹慶祝生日, 結果妹妹沒有出現。

妹妹是泛民的支持者, 今天投票日去了投陳太一票。

至於關家兩位退休中產人仕"遊離票"的去向如何, 我在吃飯時作了實地訪問。

仔: 阿媽你投咗票未？
媽: 未呀？你投邊個？
仔: 我冇得投, 咁你會投邊個？
媽: 嘻嘻.... 我就想投陳方安生0既, 不過我俾你投啦, 你想投邊個呀.....
仔: 唔得---那票係你0既.....你去投啦......不過如果我有票其實都係冇決定, 係④葉劉、⑤蔣志偉定係⑧何來.....投葉太都係因為唔想陳太贏, 佢好鬼假, 出嚟參選又一啲都冇準備, 好唔得專業, 簡直係對市民0既侮辱.......投票俾偽君子不如選過真小人仲好, 起碼葉太係做戲都好都做得好少少, 至少有備而戰囉......不過蔣志偉同何來先至係我真正0既心水, 我覺一個有大將之風好似幾有責任心, 一個真係關心動物生存權益同會全力去做嘢, 將來都係有一番作為0既, 就算好似投咗棄權票, 都想俾啲鼓勵佢地, 等佢地會再嚟......
媽: 葉劉淑儀我就真係唔係好鍾意喇, 不過陳方安生上次論壇真係唔係好掂, 樣樣嘢都唔識答, 俾人問到口啞啞, 仲有上次遊遊下行走去恤髮, 好睇唔起啲支持佢0既市民囉........其實兩個都唔想投......

(曾是陳太下屬的老豆終於出聲)

爸: 嘻嘻, 你知唔知陳太點解乜都唔識答呀?
仔: 佢一心想做特首, 所以淨係關心2012雙普選囉, 其他民生嘢佢都冇關心過, 所以咪乜都唔識答......
爸: 此其一啦, 其二係佢從來都唔會答人問題架......
媽: 佢淨係問問題呀？
爸笑著說: 唔係, 係永遠只係佢講冇其他人講, 只有佢話係點, 人地就要點做, 唔聽佢講0既就整死佢, 佢唔係玩手段整死好多異己點會做到咁高位......佢0既性格, 點會識答人問題吖, 佢喺政府人緣都幾差, 回歸時都預咗佢同董建華會夾唔嚟......
媽: 咁佢辦事能力就點都會高過葉劉淑儀0既......
爸: 唔係, 佢地兩個一樣都係唔係好叻, 最叻就係唔俾人講嘢自己講晒囉, 以前0係政府人緣一樣差...... 佢地兩個根本係同一類人, 只係陳太識得0係公眾面前收埋, 葉太就唔識呢樣嘢.......推銷23條時佢同董建華根本就係呃人, 讀過法律0既人都知道佢點樣利用啲小地方嚟呃唔識法律0既市民, 所以當時係律師反對聲音最大, 根本呃唔到識法律0既人....... 總之兩個都係做人做得好奸啦.......
仔: 咁你都唔會投票俾佢地兩個啦, 係咪?
爸: 唔投啦...........其實陳太本身都唔想出嚟, 係泛民逼佢出嚟之嘛, 同埋佢點會只係想做立法會議員吖.......特首佢就好難做到喇, 今次都唔出, 佢都可能冇得再出嚟...... 總之佢地兩個是但一個上台對社會都冇好處啦......

(我繼續遊說兩老去投票)

仔: 咁不如投俾蔣志偉或者何來吖, 俾啲鼓勵佢地都好.....
爸: 唔投啦, 認識太深0既唔想投, 對其他人又一啲都唔識.....
仔: 阿媽, 咁你係咪去投陳方安生呀?我陪你去投吖.......
媽: 唔啦, 佢仲老過我, 唔好搞咁多嘢啦......
仔: 咁投何來啦, 或者蔣志偉....
媽: 何來佢會瞓地好激進喎....蔣志偉？係咪貨車司機那個？
仔: 係呀, 物流界代表.......又或者凌蔚雲吖, 佢傻傻地咁都好親民幾可愛喎, 下次可以參加區議會選舉, 必定得到很多婆婆公公歡心.......
媽: 佢地都係輸架啦, 等下次唔係咁混亂先投啦......



結果, 關家四口子, 合共投了一票給⑦陳方安生。

我仍然(消極地)慶幸自己手上沒有票, 沒有因反對一個而投了另一位也不適合的人選。

Anyway, 8位候選人及助選的各位、甚至去投票的也努力過, 要給掌聲給各位。

勝出的要承擔, 落選的不要頼地硬, 要好好知己知彼, 將來也要繼續努力。

希望2008年立法會選舉也能見到各位的重臨。