一人一票的元首

朋友M今天在msn跟我這個政治白痴談政治, 他突然跟我說, 原來日本首相"只係300名議員選出來, 相比起來香港特首都唔係冇代表性丫".... 我才醒覺日本的元首真的不是一人一票選出來.... 住了在東京三年, 身邊從來好像沒有人關心政治似的, 亦不覺有太多新聞談什麼選舉, 大家最關心的永遠是野球/哥爾夫球/足球/跑馬的賽果......

我再問朋友M, 世界上除了美國及英國外, 還有那些國家元首是一人一票選出來的?

朋友M答道: "佢地都唔係一人一票, 美國總統係計選舉人票架, 所以戈爾先會選票佔多, 但最後輸左; 英國同日本類似, 係議會制; 亞洲好似只有台灣, 菲律賓, 印尼係一人一票選出首長, 但...............佢地................."

我嚷著叫朋友M再解釋多點美國的總統投票制度, 朋友M解釋道: "美國總統其實係由500幾個選舉人選出, 500幾人按50個州人口咁分配, 咁佢地投票一般會依循該州投票結果, 但0係某d情況下又可以唔係, 所以搞到戈爾輸左, 被迫搞環保......"

我其實也不是對選舉制度太有研究, 不過朋友M說起, 我又醒覺: "又係喎!"

本來認為2012年或2016年可以玩玩投票遊戲選特首, 但其他民主最發達的國家也不是一人一票的話... 那麼香港這個小小特區, 也未必適合這個模式吧...(靠估的, 或許很適合的也說不定, 因其他行一人一票都是小國家)

日本首相由300多人選出來, 醜聞多多, 被迫下台黯然辭職的經常換來換去, 平均1年半至2年又換一個, 令年青一代也對誰是首相毫不感興趣......是否君主立憲制便不適合(不能夠)行一人一票呢?

全民一人一票選元首的國家, um..... 看似不少也在經濟民心政治等方面也是頗混亂.....不過可能是該國家/地區的問題吧....跟一人一票沒有什麼關係。

若不是"一人一票", 還有什麼選舉模式是適合香港呢？ 其實我覺得身在香港已很幸福了, 不過如可以投票的時候, 對象全是名不經傳又不覺有甚麼作為的區議員/參選人, 的確是令自己投票意欲長期處於冷封期的原因 。

至於恤髮/民革/恐嚇..... 有哪些國家的高官/議員不是經常鬧笑話呢。當作笑話好了, 實在不用費神。