神經阿嬸

朋友船長之母問我最近為何BLOG沒有公司那麻煩神經女人的最新UPDATE, 我答道1)講得多, 筆者看官也會感到煩; 2)就算是公事, 在可以的情況下我也會選擇不跟她直接交談, 電郵便可以了; 3)因其他同事也怕了她, 她又自願孤獨, 基本上每天她也是獨個兒吃飯... 大家叫外賣, 她便叫第二間外賣, 不會跟大家一起吃。

就是這樣, 最近她的話題便減少了。

是"減少了", 不是沒有。

既然朋友船長之母很喜歡這個系列, 那我又寫寫她最近的神經金句吧。絕對比讀者文摘的"開懷篇"有趣好看。

(1)
同事A: "公司沒有大的信封了, 可不可去買一個公文袋?"
女人: "公司依家咩環境你唔係唔知呀?乜都話買!"
同事A: "那怎辦? 這封銀行來的信要轉寄到日本老闆手上....'
女人: "摺幾摺咪得放得入普通信封囉!"
同事A: (面都紅晒)"...但係...好肉酸喎....."
女人: "咁我地公司依家咁0既環境冇辦法啦..."
(DK心話: 公司依家乜環境呀？ 妳唔減薪救吓公司？一元幾塊的公文袋都要慳？慳嚟做乜...)

(2)
女人: "第日出貨不用叫同事B幫手, 因為她是DONALD那邊的人..."
同事A:"全公司只得4個人, 不用分得那麼清楚啦..."
女人: "唔得! 你咁樣叫第二組人做嘢, 我會好冇面GAR!"
同事A:"..................................."
女人: "仲有, 第日佢地叫你做嘢, 你都唔好做, 要我批準先得!"
同事A:".....哦......."
(根本從來沒有人說過這樣的工作分配...是她自己想像出來)

(3)
某天我跟她二人到銀行處理簽署更改手續。我一貫的穿著恤衫結了領帶, 她就一貫的um...

(接待處)
職員A:"請問先生有乜可以幫到你?"
DK:"其實係呢位X小姐約咗你地同事的..."
職員A:"哦... X小姐你約了哪一位....."

(會客室)
職員B:"HELLO你好呀X先生!"
DK:"這位是X小姐, 我姓關的, 是她約了你們。"
職員B:"明白, 那麼關先生, 我們有什麼可以幫到你....'

(會客室)
職員C:"不好意思, 讓你們久等了, 文件已準備好, 只要兩位在這欄上分別簽署便行"
DK:"是否這裡? 那日後是我們其中一位簽名便行, 還是要兩位一起簽?"
職員C:"其中一位便可以了."
DK:"明白, 太好了, 不用每次兩個人一起來。X同事, 妳還有沒有問題?"
女人突然發惡拍枱:"你地銀行啲職員點解講嘢時淨係望住佢(指著我)講, 依家即係當我冇到咁囉係咪? 唔得, 你由頭講一次我聽!"
職員C:"不好意思...係...就咁樣...你地...我由頭講起...你地公司依家...................."
(DK心話: 很好, 又多一個笑話)

(4)
女人某天對著全公司大叫:"你地唔可以咁喎, 成日都三個人自己決定晒啲嘢...唔得! 你地以後做乜都要俾我知, 總之我要知道你地係度做緊乜!老闆話叫我管Purchase, Account, Affair, Admin, 文具同埋影印機呢幾個部門, 所以我要知道你地做緊乜!"
(DK心話: 公司得4個人, 妳睇6個部門都好威吓喎)


(5)
某天老闆的舊同事K先生到來OFFICE看看,跟女人在只得一塊屏風相隔的會議室裡談談。

K先生:"最近公司運作上有沒有什麼問題?"
女人:"我覺得老闆指令唔清晰囉, 一時又話我負責PURCHASE, 一時又話我係ACCOUNT, 今個禮拜話我係ADMIN., 下星期又話要做埋AFFAIR, 但係叫我管咁多嘢又唔可以知其他人人工喎, 好聽啲就話叫我做幾個部門0既阿頭囉, 根本就當我係阿四!"
(我跟兩位同事六目交投:"唔係呀化？依家先知呀？仲要同老闆個朋友講??!!")

後來我加入了會議中。女人繼續投訴。

女人:" 仲有呀, 我好唔鍾意老闆當住啲同事面前鬧我囉, 話我LEVEL低乜都唔識, 乜都話我唔識所以叫DONALD做一次, 我以後就照做喎...... 佢都冇見我做過, 佢點知我唔識做啫, 分明重男輕女!!!
(DK心話: "唉...真係好失禮呀, 收口啦....")

神經阿嬸相關文章
微波爐
沒有常在街的日子(二)
因小失大
回應與金句
鐡三角組合